بنـت الأصـول.. لا تُـهان كـاملة بقلـم منـي السـيد

عشر سنين..
عشر سنين بصحى قبله بساعتين.
عشر سنين برتب أجندته ومواعيد أكله وشنطة سفره.
عشر سنين دوست فرامل على مستقبلي وشغلي عشان هو يكبر ويلمع.
وفي ليلة وإنا بغرف العشا رماها في وشي بمنتهى البرود كأنه بيطلب ملح زيادة
بقولك يا منى.. من أول الشهر الجاي كل مليم هيتقسم بالنص بيننا. أنا مش ناوي أكمل حياتي مع ست عالة بتجري ورا مصلحتها وبس.
إيدي اتجمدت والمغرفة في الهوا. افتكرته بيهزر بس عينيه كانت بتقول إنه بيتكلم بجد يوجع.
قلتله بابتسامة مهزوزة نعم مش فاهمة.
حط موبايله على التربيزة بكل هدوء كأنه ممرن نفسه على الكلمتين دول قدام المراية
إحنا مش في عصر سي السيد يا ماما. عايزة تعيشي هنا يبقى تشيلي الشيلة. النص بالنص.. في كل فواتير البيت.
بصيت حواليا.. للبيت اللي فرشته بذوقي للستاير اللي

بالليل قعد قدامي على السرير بمنتهى الثبات اللي يرعب.
قاللي أنا محتاج شريكة حياة مش حمل تقيل عليا.
بصيت في عينيه مباشرة ومن إمتى وأنا حمل يا شريف
مردش وقال ببرود أنا بس عايز ست تكون من مستوايا.
من مستوايا!
نسي إنه من عشر سنين لما كان لسه بيبدأ وأنا بقبض أكتر منه المستوى ده مكنش مشكلة.

راسي ووافقت.
قلتله تمام.
اتفتح بقه من الصدمة تمام بالسهولة دي
ابتسمت طبعا.. بس بما إننا هنقسم كل حاجة يبقى فعلا نقسم كل حاجة. الشقة الاستثمارات الحسابات اللي فتحناها سوا والشركة اللي إنت أسستها وأنا كنت الضامن ليك ببيتي وورثي وما أخدتش مليم.
وشه اتقلب. شفت في عينيه لمعة خوف لثانية واحدة.
لأن اللي شريف نسيه إني طول العشر سنين دول كنت أنا الدماغ. أنا اللي في إيدي كل ورقة دخلت أو خرجت من البيت ده. عارفة أماكن العقود التحويلات وتاريخ كل إمضاء.
وفي حاجة تانية هو تاهت عن باله تماما.. ورقة كان مضى عليها زمان لما كان لسه بيقول إني أحلى قرار في حياته. ورقة لو قررنا فعلا نقسم كل حاجة بالنص.. مش هتسيبه حتى بهدومه اللي لابسها.
ليلتها هو نام مرتاح.. وأنا منمتش.