الليله اللي اكتشفت فيها حقد مراتي بقلم اسامه الهواري حصريآ علي موقع لمحة
هذه القصة خاصة بموقع ايام وناشريه وغير مسموح بنقلها إلى أي مدونة اخري.
مش هتقرب مني ولا هتلمس مني شعرة غير لما تطرد أمك من البيت
الجملة دي نزلت عليا زي الړصاص.
مش اتقالت في خناقة ولا في لحظة عصبية ولا بعد مشكلة.
اتقالت بهدوووء هدوء يخوف وهي واقفة قدامي في أول ليلة جوازنا لابسة الأبيض والميكب لسه طري والبيت لسه ريحته فرح.
كنت واقف ساكت بحاول أفهم
يمكن سمعت غلط
يمكن بتهزر
يمكن دي طريقة دلع غريبة
بصيت في عينيها مستني ابتسامة أي إشارة إنها بتهزر مفيش.
ولا رعشة.
ولا تردد.
ولا ذرة ندم.
قالتها وكأنها بتطلب كباية مية.
قبل ما نكمل صلوا على النبي
اللهم صل وسلم وبارك عليه.
لأن اللي جاي مش سهل.
أنا كنت فاكر إن الدنيا أخيرا ضحكتلي.
سنين طويلة شغل تعب حرمان ومسؤولية أم قبل أي حاجة.
أمي الست اللي شالتني وأنا طفل وباعت دهبها عشان تعلمني ورفضت تتجوز بعد أبويا عشان ماحسش إني يتيم مرتين.
ولما ظهرت هي مراتي أو اللي كنت فاكرها حب عمري حسيت إن ربنا بيعوضني.
بنت جميلة هادية كلامها موزون بتحترم أمي قدام الناس دايما تقول
دي أمي قبل ما تكون أمك.
كنت مغفل.
والمغفل دايما آخر واحد يعرف.
ليلة الفرح عدت بسرعة.
زغاريد رقص ناس بتهني وأمي واقفة جنبي دموعها في عينيها من الفرحة.
حضنتني وقالت في ودني
ربنا يفرحك يا ضنايا شوف
لو كانت تعرف
دخلنا الشقة.
قفلت الباب.
الهدوء نزل تقيل.
قعدت على الكنبة وقلعت الشبشب وبصت حواليها بصة واحدة
بصة تفتيش.
قالتلي فجأة
أمك هتقعد معانا قد إيه
قلت ضاحك
تقعد دي قاعدة في بيتها إحنا اللي في بيتها أصلا.
ساعتها وشها اتغير.
مش زعل لا.
احتقار.
قامت وقفت قدامي وقربت وقالت الجملة اللي كسرت كل حاجة
يبقى اسمعني كويس مش هتقرب مني ولا هتلمس مني شعرة غير لما تطرد أمك من البيت.
قلبي وقع.
حرفيا حسيت بحاجة وقعت جوا صدري.
قلت
إنت بتقولي إيه
قالت بمنتهى البرود
أمك مش هتعيش معايا وأنا مش هبقى زوجة في بيت حماتي يا أنا يا هي.
حاولت أضحك أهزر أغير الموضوع.
لكنها كملت وكل كلمة كانت سکينة
أنا مش جاية أشارك حد فيك ولا أستحمل ست كل شوية تبصلي تحاسبني تتدخل أنا وافقت عليك عشان نعيش لوحدنا.
قلت بصوت واطي
دي أمي
قاطعتني
وأنا مراتك واختار.
الساعة كانت داخلة على الفجر.
الفرح خلص من بره
بس جوا الشقة كان في جنازة.
خرجت أقف في البلكونة.
الهوا كان بارد بس صدري مولع.
بصيت على أوضة أمي النور كان شغال.
أكيد مستنياني
أكيد فرحانة
أكيد بتدعيلنا.
ورجعت أبص لمراتي
قاعده على السرير مدياني ضهرها وكأن القرار اتحسم.
في اللحظة دي
افتكرت كل مرة أمي قالتلي
خليك راجل يا ابني ومتفرطش في أصلك.
ودلوقتي
أول
وجاي في أول ليلة جواز.
لكن اللي ماكنتش أعرفه
إن اللي جاي بعد الاختيار ده
هيقلب حياتي كلها
ويكشف سر خطېر
مكانش لازم أعرفه
عن مراتي
وعن أمي
وعن نفسي.
دخلت الأوضة عند أمي.
كانت قاعدة على السرير ماسكة السبحة وعينيها علي من غير ما تتكلم.
الأم دايما بتحس قبل ما الكلام يطلع.
قالت بهدوء
مالك يا ابني وشك مش وش عريس.
قعدت قدامها راسي تقيلة لساني تقيل وكل كلمة جوايا كانت بتتخانق عشان تطلع.
قلت
مفيش يا أمي بس شوية تعب.
ابتسمت ومدت إيدها على راسي
ربنا يريح بالك أنا هسيبكم ترتاحوا.
الجملة دي كسرتني.
لأنها اتقالت بنية طيبة
ووراها تضحية أنا عمري ما طلبتها.
خرجت من الأوضة وأنا حاسس إني
ماشي على سکينة.
رجعت لمراتي كانت مستنياني.
قالت من غير ما تبص
خلصت
قلت
إنت مش فاهمة يعني إيه تطرد أم من بيتها.
لفت وبصتلي وابتسمت ابتسامة باردة
وأنت مش فاهم يعني إيه ست تتكسر من أول يوم.
قربت مني وقالت
أنا مستعدة أستناك بس مش كتير يا تختارني دلوقتي يا تعتبر الجوازة دي خلصت.
سكت.
والسكوت ساعات أوجع من أي كلام.
عدت أيام.
البيت بقى تقيل.
أمي تحاول تخفف ډمها.
مراتي تتجاهلها ولا كلمة ولا نظرة ولا احترام.
الأكل يتحط تسكت.
السلام يتقال ما تردش.
وأنا واقف في النص
لا قادر أكون ابن
ولا عارف أبقى زوج.
وفي يوم وأنا
دخلت لقيت مراتي واقفة وأمي قاعدة ودموعها على خدها.
صړخت فيا
شفت شفت بقى الست دي بتتدخل في كل حاجة!
أمي قالت بهدوء موجوع
والله يا ابني ما كلمتها سألتها بس تحب الأكل إيه.
مراتي بصتلي وقالت الجملة اللي كانت القاضية
يا أنا يا أمك.
ساعتها
افتكرت كل حاجة.
تعب أمي.
دعائها.
سهرها.
وكرامتي اللي بتداس قدامي.
قلت بصوت ثابت لأول مرة
البيت ده بيت أمي.
اټصدمت.
وشها اصفر.
قالت
يعني إيه
قلت
يعني اللي مش عاجبه يمشي.
ضحكت ضحكة هستيرية
هتختارها بعد كل اللي ضحيت بيه
قلت وأنا باصص في عينيها
إنت عمرك ما ضحيتي إنت كنتي مستنية اللحظة.
وهنا اڼفجرت.
قالت
أيوه! كنت مستنية! عشان أخد كل حاجة لوحدي! البيت والفلوس وأنت!
واعترفت
اعترفت إن كل الاحترام اللي كانت بتظهره لأمي تمثيل.
إنها كانت فاكرة إني هبقى ضعيف.
إن أمها علمتها كده.
وأنا سامع
حسيت إني اتجوزت غريبة.
أمي قامت قربت منها وقالت بهدوء أم كسرتها الحياة بس ما انكسرتش
أنا كنت حاسة بس ساكتة عشان ابني.
مراتي بصتلها باحتقار.
وأنا قلت القرار اللي خلص كل حاجة
إنت طالق.
سكت البيت.
حتى الهوا وقف.
صړخت.
عيطت.
هددت.
لكن القرار طلع من قلبي قبل لساني.
مشيت في نفس الليلة.
ومن وراها مشاكل ومحاكم وكلام ناس.
بس عارفين إيه
أول مرة أنام مرتاح
كانت وأنا
وتدعيلي.
خسړت زوجة
بس كسبت نفسي.
وكسبت رضا أم
لو اتقاس بالدنيا كلها
يكسب.
واللي فاكر إن الرجولة في إرضاء زوجة على حساب أم
عمره ما يعرف طعم السلام.
